মানৱ বন্দনা । অধ্যায় ২ । Chapter 2 | Class 9 Assamese Lesson 2 Question and Answer Assam | SEBA Class 9 Assamese Chapter 2 Solution | মানৱ বন্দনা পাঠটোৰ প্ৰশ্ন আৰু উত্তৰ ।

মানৱ বন্দনা

প্ৰশ্নৱালীঃ

ভাব-বিষয়ক

১। চমু উত্তৰ লিখাঃ
(ক) ‘মানুহেই পৰাৎপৰ’  বোলা কথাষাৰৰ অৰ্থ কি?

উত্তৰঃমানুহেই পৰাৎপৰ বোলা কথাষাৰৰ  অৰ্থ হ’লঃ মানুহেই সকলো জীৱতকৈ শ্ৰেষ্ঠ, পৰম সত্য ।

(খ) মানুহক ময়াপী জীৱ বোলাৰ অৰ্থ কি?

উত্তৰঃ এই সংসাৰত মানুহৰ আগমন আৰু গমন এটা চিৰন্তন গতি।অৰ্থাৎ মানুহৰ জন্ম আৰু মৃত্যু চিৰসত্য। ই যেন এক প্ৰকাৰ মায়া সদৃশ। সেয়েহে মানুহক মায়াপী জীৱ বুলি কৈছে ।

(গ) পাদ্য অৰ্ঘ্য লৈ মানুহক পূজা কৰাৰ অৰ্থ কি?

উত্তৰঃকবিৰ মতে মানুহ হৈছে নৰৰূপী ভগৱান। এই নৰৰূপী ভগৱানৰ সেৱা কৰা মানুহৰ প্ৰথম কৰ্তব্য। মানুহক সেৱা কৰাটোৱেই হৈছে প্ৰকৃত ধৰ্ম। সেয়েহে কবিয়ে পাদ্য-অৰ্ঘ্য লৈ মানুহক পূজা কৰিব দিছে।

২। মানৱ বন্দনা কবিতাটিৰ সাৰাংশ তোমাৰ নিজৰ কথাৰে বিৱৰি লিখা।

উত্তৰঃ অসমীয়া সাহিত্যৰ জোনাকী যুগৰ ত্ৰিমূৰ্তিৰ অন্যতম । ৰোমাণ্টিক যুগৰ এগৰাকী শ্ৰেষ্ঠ কবি চন্দ্ৰকুমাৰ আগৰৱালা দেৱে উদাৰ মানৱতাবাদ প্ৰকাশ পোৱা ‘মানব বন্দনা’ কবিতাটোৰ মাজেদি কবিৰ মানৱ সেৱাৰ মনোভাৱ অতি সুন্দৰভাৱে প্ৰকাশ পাইছে ।কবিয়ে কৈছে যে মানৱে বাৰে বাৰে জন্ম লৈ এই পৃথিৱীলৈ ঘূৰি আহে। মানুহৰ আগমন আৰু গমন এক চিৰন্তন প্ৰক্ৰিয়া। মানুহৰ যেন  এই পৃথিৱীখনৰ  মায়াত বন্দী এক জীৱ। সেয়েহে কবিয়ে এই  মানৱী জীৱনটো মানুহৰ কল্যানৰ হকে উৎসৰ্গা কৰিবলে কৈছে। কাৰন মানুহে মানুহৰ অবিহনে জীয়াই থাকিব নোবাৰে। মানুহেই মানুহৰ পৰম বন্ধু। এতেকে মানুহৰ কল্যান সাধন কৰাটোহে হৈছে প্ৰকৃত ধৰ্ম। জীৱশ্ৰেষ্ঠ মানৱে নিজৰ মানৱীয় কামৰাজিৰে এই পৃথিৱীখনক স্বৰ্গতকৈও অধিক সন্দোৰ কৰি তোলাটো কবিয়ে কামনা কৰিছে । কবিৰ মতে মানুহ নৰৰুপী ভগৱান । এই  নৰৰুপী ভগৱানৰ সেৱা কৰা মানুহৰ প্ৰথম কৰ্তব্য। সেয়েহে কবিয়ে পাদ্য- অৰ্ঘ্য লৈ মানুহক পূজা কৰিবলৈ কৈছে।

৩। এই যে পৃথিৱী স্বৰ্গতো অধিক

মানুহৰ নিজাপী ঘৰ।     

কথাষাৰৰ অৰ্থ বুজাই লিখা

উত্তৰঃ এই যে পৃথিৱী স্বৰ্গতো অধিক…..

               মানুহৰ নিজাপী ঘৰ ।

মানুহৰ নিজাপী ঘৰ বুলি কবিয়ে পৃথিৱী খনৰ কথাকে বুজাইছে । কাৰণ – মানুহ সদায় এই পৃথিৱী খনতেই থাকিই লাগিব। এই পৃথিৱীখনৰ প্ৰত্যেকটো বস্তুয়ে অতি প্ৰয়োজনীয়। আমি প্ৰত্যেকেই ভাল বেয়া, সচাঁ মিছা, সুখ-দুখৰ অনূভৱ এই পৃথিৱীখনতেই, মানুহৰ মাজতেই পাওঁ। সেয়েহে মানৱক ভালপোৱা কবিয়ে এই পৃথিৱী খনক স্বৰ্গতকৈয়ো অধিক সুখৰ আলয় আৰু মানুহৰ প্ৰকৃততে নিজৰে ঘৰ বুলি কৈছে।

৪। তাৎপৰ্য বাখ্যা কৰাঃ

(ক) মানৱী জনম             দিয়া উটুৱাই 

      মানৱী কৰম সোঁতে,     

মানুহৰ মৰম             বুজিবা মানুহে                     

ধৰম যে মৰমতে।
উত্তৰঃ  মানৱী জনম…………………..

…………………………………………………

…………………………………………………মৰমতে

উক্ত কবিতাফাঁকি আমাৰ পাঠ্যপুথি ‘অসমীয়া সাহিত্য চয়নিকাৰ’ অন্তগৰ্ত প্ৰতিমাৰ খনিকৰ কবি ‘চন্দ্ৰকুমাৰ আগৰৱালা দেৱৰ’ মানব বন্দনাʼ নামৰ কবিতাটিৰ পৰা তুলি লোৱা হৈছে।

    মানুহৰ পাৰস্পাৰিক মৰম চেনেহৰ জৰিয়তে যে এই মৰততেই সৰগৰ সুখ লাভ কৰিব পাৰি এই কথাকেই কবিতাফাঁকিত প্ৰকাশ পাইছে।

          মানৱতাবাদী কবিয়ে কবিতাটিত মানৱৰ জয়গান গাইছে। কবিতাটিত কবিয়ে এই মানৱী জনমটোত মানুহৰ সেৱাত ব্ৰতী হবলৈ উপদেশ দিছে। মানুহৰ মাজত মৰম চেনেহৰ আদান প্ৰদানৰ জৰিয়তে মানুহে এই ধৰাতলতেই স্বৰ্গৰ সুখ লাভ কৰিব পাৰিব। মানুহৰ মাজত থকা পাৰস্পাৰিক মৰমকেই কবিয়ে প্ৰকৃত ধৰ্ম বুলি কৈছে।


(খ) মানুহেই দেৱ                মানুহেই সেৱ
                  মানুহ বিনে নাই কোৱ,
কৰা কৰা পূজা            পাদ্য অঘ্য লই
               জয় জয় জয় মানৱ দেৱ।

উত্তৰঃ মানুহেই দেৱ মানুহেই …..

           ……………………………

. …………………………….

            জয় জয় জয় মানৱ দেৱ….

উক্ত কবিতাফাঁকি আমাৰ পাঠ্যপুথি ‘অসমীয়া সাহিত্য চয়নিকাৰ’ অন্তগৰ্ত প্ৰতিমাৰ খনিকৰ কবি ‘চন্দ্ৰকুমাৰ আগৰৱালা দেৱৰ’ মানব বন্দনাʼ নামৰ কবিতাটিৰ পৰা তুলি লোৱা হৈছে।

          মানুহে মানুহক দেৱতা জ্ঞান কৰি সেৱা কৰা প্ৰসংগত উক্ত কবিতাফাঁকি উল্লেখ কৰা হৈছে।

এই পৃথিৱীত মানুহেই হ’ল নৰৰূপী ভগৱান। এই নৰৰূপী ভগৱানৰ সেৱা কৰা মানুহৰ প্ৰধান কৰ্ত্তব্য। এই চৰাচৰৰ মাজত পৰম শক্তি ৰূপে জিলিকি থকা মানৱ সত্তাক সেৱা কৰাটোয়েই হৈছে মানুহৰ পৰম ধৰ্ম। সেয়েহে কবিয়ে পাদ্য অৰ্ঘ্য লৈ মানুহৰ পূজা কৰিবলৈ কৈছে আৰু মানুহৰ জয়গান  গাবলৈ কৈছে।

ভাষা-বিষয়কঃ
৫। সমাথক শব্দ লিখাঃ
মানুহঃ মানৱ, মানুহ
সংগঃ লগ, বন্ধু
পৃথিৱীঃ ধৰা
সোঁতঃ ঢৌ, লহৰ
স্বৰ্গঃ সৰগ
দেৱঃ দেৱতা


৬। সংস্কৃত কৰ্ম, ধৰ্ম আদি শব্দৰ পৰা কৰম, ধৰম আদি শব্দৰ উপত্তি হৈছে। এনে কিছুমান শব্দ বাছি উলিয়াই এখন তালিকা প্ৰস্তুত কৰা।
ধৰ্মঃ ধৰম

কৰ্মঃ কৰম

মত্যঃ মৰত

দেৱঃ দেৱতা

স্বৰ্গঃ সৰগ

Answer by Bhargov jyoti Nath