১। চমু উত্তৰ লিখা
(ক) আকৰিক লো কেঁচামাল হিচাপে ব্য়ৱহাৰ হোৱা এবিধ উদ্য়োগৰ নাম লিখা।
উত্তৰঃ- আকৰিক লো কেঁচামাল হিচাপে ব্য়ৱহাৰ হোৱা এবিধ উদ্য়োগৰ নাম হৈছে লো তীখাৰ উদ্যোগ।
(খ) এবিধ ইন্ধন খনিজৰ নাম লিখা ǀ
উত্তৰঃ- এবিধ ইন্ধন খনিজৰ নাম হৈছে খাৰুৱা তেল।
(গ) ভাৰতৰ এখন কপাহ উৎপাদনকাৰী ৰাজ্যৰ নাম লিখা ǀ
উত্তৰঃ- ভাৰতৰ এখন কপাহ উৎপাদনকাৰী ৰাজ্য়ৰ নাম হৈছে মহাৰাষ্ট্ৰ।
(ঘ) ভাৰতত আটাইতকৈ অধিক পৰিমাণে ব্যৱহৃত পৰিবহন সেৱা বিধৰ নাম লিখা ǀ
উত্তৰঃ- ভাৰতত আটাইতকৈ অধিক পৰিমাণে ব্য়ৱহৃত হোৱা সেৱাবিধৰ নাম হৈছে ৰে’ল পৰিবহন সেৱা।
২) শুদ্ধ উত্তৰটো লিখা-
(ক) অভ্ৰ উৎপাদনত ভাৰতৰ স্থান পৃথিৱীৰ ভিতৰত-
(ক) তৃতীয় (খ) দ্বিতীয় (গ) প্ৰথম
উত্তৰঃ- (গ) প্ৰথম।
(খ) ভাৰতত প্ৰথমে ৰে’ল চলিছিল-
(ক) ১৮৩৫ চনত (খ) ১৯৩৫ চনত (গ) ১৮৫৩ চনত
উত্তৰঃ- (গ) ১৮৫৩ চনত।
(গ) ভাৰতৰ দীৰ্ঘতম ৰাষ্ট্ৰীয় ঘাইপথটো হ’ল-
ক) ১ নং ৰাষ্ট্ৰীয় ঘাইপথ (খ) ২নং ৰাষ্ট্ৰীয় ঘাইপথ (গ) ৪৪ নং ৰাষ্ট্ৰীয় ঘাইপথ
উত্তৰঃ- (গ) ৪৪ নং ৰাষ্ট্ৰীয় ঘাইপথ।
(ঘ) ভাৰতৰ আটাইতকৈ বেছি পথৰ ঘনত্ব থকা ৰাজ্যখন হ’ল-
(ক) অসম (খ) কেৰালা (গ) অন্ধ্ৰপ্ৰদেশ
উত্তৰঃ- (খ) কেৰালা।
৩) উত্তৰ লিখা-
(ক) ভাৰতবৰ্ষৰ প্ৰধান খনিজ বলয়সমূহ কি কি ? অসম কোনোবা খনিজ বলয়ত অন্তৰ্ভুক্ত হয়নে ?
উত্তৰঃ- ভাৰতবৰ্ষৰ প্ৰধান খনিজ বলয়সমূহ হৈছে-
১। উত্তৰ পূৱ উপদ্বীপীয় বলয়- ছোটানাগপুৰ মালভূমি, উৰিষ্যা, ঝাৰখণ্ড, পশ্চিমবংগ
২। মধ্য বলয়- ছত্তিশগড়, অন্ধ্ৰপ্ৰদেশ, মধ্যপ্ৰদেশ আৰু মহাৰাষ্ট্ৰ
৩। দক্ষিণ বলয়- কৰ্ণাটক মালভূমি আৰু তামিলনাডু
৪। দক্ষিণ পশ্চিম বলয়-কৰ্ণাটক আৰু গোৱা
৫। উত্তৰ পশ্চিম বলয়-আৰাৱলী পৰ্বতৰ সৈতে ৰাজস্থানৰ আৰু গুজৰাট
৬। উত্তৰ পূৱ তৈল বলয়- অসমৰ বহ্মপুত্ৰ উপত্যকা
হয়, অসমৰ বহ্মপুত্ৰ উপত্যকা উত্তৰ পূৱ তৈল বলয়ত অন্তৰ্ভুক্ত হৈ আছে ।
(খ) ভাৰতৰ পাঁচটা প্ৰধান লো-তীখা উদ্যোগৰ নাম লিখা ǀ
উত্তৰঃ- ভাৰতৰ পাঁচটা প্ৰধান লো তীখা উদ্যোগ হৈছে-
১। জামছেদপুৰ টাটা তীখা উদ্যোগ।
২। বাৰ্ণপুৰ তীখা উদ্যোগ।
৩। ভদ্ৰাৱতী তীখা উদ্যোগ।
৪। ভিলাই তীখা উদ্যোগ।
৫। ৰুৰকেল্লা তীখা উদ্যোগ।
(গ) মুম্বাই আহমেদাবাদ অঞ্চলত বয়ন উদ্যোগসমূহ কিয় গঢ়ি উঠিছে ?
উত্তৰঃ- মুম্বাই আৰু আহমেদাবাদৰ বস্ত্ৰ শিল্পসমূহ প্ৰধানকৈ মহাৰাষ্ট্ৰ আৰু গুজৰাটত উৎপাদিত কপাহৰ ওপৰত নিৰ্ভৰ কৰি গঢ়ি উঠিছে ǀ ভাৰতৰ বস্ত্ৰ উদ্যোগৰ বাবে প্ৰয়োজনীয় ১০.৭৯% সূতা মহাৰাষ্ট্ৰৰ পৰাই যোগান ধৰা হয় ǀ বস্ত্ৰ উদ্যোগৰ বাবে প্ৰয়োজনীয় যন্ত্ৰপাতি, ৰং, ৰাসায়নিক দ্ৰব্য কপাহ আদি আমদানি কৰিবলৈ আৰু উৎপাদিত সামগ্ৰীবোৰ ৰপ্তানী কৰিবলৈ বন্দৰৰ সুবিধা থকাৰ বাবে মুম্বাই আহমেদাবাদ অঞ্চলত বয়ন উদ্যোগসমূহ গঢ়ি উঠিছে ।
৪) বিজ্ঞান আৰু প্ৰযুক্তিবিদ্যাৰ প্ৰয়োগে স্থল, জল আৰু বায়ু পৰিবহণৰ ক্ষেত্ৰত কেনেধৰণৰ পৰিৱৰ্তন আনিছে লিখা ।
উত্তৰঃ- অতীতত, মানুহে এঠাইৰ পৰা অন্য ঠাইলৈ খোজ কাঢ়ি, বা হাতী, ঘোঁৰা, গাধ, ম’হ আদি জন্তুৰ সহায়ত অহা-যোৱা কৰিছিল। জলভাগত নাওৰ দ্বাৰা মানুহ আৰু বস্তু বাহন কৰা হৈছিল। পুৰণি যাতায়ত আৰু পৰিবহণ ব্যৱস্থাই মানুহৰ সময় লয় আৰু কিছুমান ক্ষেত্ৰত কষ্টকৰো হৈছিল।
বিজ্ঞান আৰু প্ৰযুক্তিবিদ্যাৰ উন্নতিৰ জৰিয়তে, জল আৰু বায়ু পৰিবহন যথেষ্ট সুচল হৈ পৰিছে। এই উন্নতিৰ ফলস্বৰূপ, দুৰ্গম অঞ্চলবোৰৰ সৈতে সফলভাৱে যোগাযোগ কৰিব পাৰা হৈছে। কম খৰচী জলপৰিবহণৰ মাধ্যমেৰে এখন দেশৰ লগত আন এখন দেশৰ সামগ্ৰীৰ বেপাৰ-বাণিজ্য সম্ভৱ হৈছে, আৰু যাত্ৰীসকলোও অহা-যোৱা কৰিব পাৰিছে।
বায়ু পৰিবহনৰ জৰিয়তে অতি কম সময়ৰ ভিতৰত সা-সামগ্ৰীবোৰ বিশ্বৰ এক প্রান্তৰ পৰা আন প্ৰান্তলৈ উপলব্ধ হৈছে। যদিও বায়ু পৰিবহণ আন পৰিবহন ব্যৱস্থাৰ তুলনাত আৰামদায়ক, তথাপি ইয়াৰ খৰচো যথেষ্ট থাকে।
ইয়াৰ উপৰিও বিজ্ঞান আৰু প্ৰযুক্তিবিদ্যাৰ প্ৰয়োগে স্থল, জল আৰু বায়ু পৰিবহনৰ ক্ষেত্ৰত যাত্ৰীসকলক আগতকৈ অধিক নিৰাপত্তা প্ৰদান কৰিছে । আধুনিক যুগৰ জি পি এচ, কেমেৰা, ৰেডাৰ আদিৰ দৰে অত্যাধুনিক আহিলাৰ মাধ্যমেৰে পৰিবহনৰ ক্ষেত্ৰত আহিব পৰা বিপদসমূহৰ পৰা আগতীয়াকৈ ৰক্ষা পাব পাৰি ǀ
স্থল, জল আৰু বায়ু পৰিবহনৰ ক্ষেত্ৰত ব্যৱহৃত হৈ থকা আধুনিক প্ৰযুক্তিসম্বলিত যানবাহনবোৰে আগতকৈ কম পৰিমাণে পৰিবেশ বিনষ্টকাৰী প্ৰদূষক নিষ্কাষণ কৰে ǀ
৫) পৰিবহণ ব্যৱস্থা দেশ এখনৰ সিৰা-উপসিৰাস্বৰূপ । কথাষাৰৰ সমৰ্থনত তিনিটা যুক্তি আগবঢ়োৱা ǀ
উত্তৰঃ-
১) পৰিবহণ ব্যৱস্থাৰ জৰিয়তে নিত্য ব্যৱহাৰ্য খাদ্যসামগ্ৰী আৰু বস্ত্ৰ আদি দেশৰ এটা অঞ্চলৰ পৰা আন এটা অঞ্চললৈ যোগান ধৰা হয় ।
২) পৰিবহণ ব্যৱস্থাৰ লগত লাখ লাখ লোক প্ৰতক্ষ্য বা পৰোক্ষভাৱে নিয়োজিত হৈ জীৱিকা উপাৰ্জন কৰি আছে । উদাহৰণস্বৰূপে কেৱল ৰে’ল পৰিবহণ সেৱাতে ১.৪ নিযুত বিষয়া কৰ্মচাৰী নিযুক্ত হৈ আছে ।
৩) পৰিবহণ ব্যৱস্থাই দেশৰ অৰ্থনীতিকো টনকিয়াল কৰাত সহায় কৰিছে । ৰে’লসেৱাৰ জৰিয়তে দেশে ভালেখিনি ৰাজহ অৰ্জন কৰে। উদাহৰণস্বৰূপে ২০১১-১২ বৰ্ষত ৰে’ল পৰিবহন ব্যৱস্থাৰ পৰা দেশত ১০৮,২৭,৮৭৯ কোটি টকা উপাৰ্জন হৈছিল ǀ
৬) ভূচিত্ৰাৱলীৰ সহায়ত লিখা-
ক) অসমত ৰাষ্ট্ৰীয় ঘাইপথসমূহে চুই যোৱা জিলা সদৰসমূহৰ নাম লিখা ǀ
উত্তৰঃ- তিনিচুকীয়া, ডিব্ৰুগড়, শিৱসাগৰ, যোৰহাট, গোলাঘাট, ডিফু, হাফলং, শিলচৰ, হাইলাকান্দি, কৰিমগঞ্জ, ধেমাজী, উত্তৰ লক্ষীমপুৰ, তেজপুৰ, নগাঁও, মৰিগাঁও, দৰঙ, ওদালগুৰি নলবাৰী, গোৱালপাৰা, বৰপেটা, বাক্সা, কাজলগাওঁ, বঙাইগাঁও, ধুবুৰী, কোকৰাঝাৰ ইত্যাদি ।
খ) ৰে’লপথে সংযোগ নকৰা উত্তৰ-পূৱ ভাৰতৰ ৰাজ্যকেইখনৰ নাম লিখা ।
উত্তৰঃ- নাগালেণ্ড,মণিপুৰ,মিজোৰাম আৰু মেঘালয়।
গ) ব্ৰহ্মপুত্ৰৰ উত্তৰ পাৰে ধেমাজী জিলাত থকা ৰে’লপথৰ শেষৰ ৰে’ল ষ্টেচনটোৰ নাম লিখা ǀ
উত্তৰঃ- ব্ৰহ্মপুত্ৰ উত্তৰ পাৰে ধেমাজী জিলাত থকা ৰে’লপথৰ শেষৰ ৰে’ল ষ্টেচনটোৰ নাম হৈছে মোকংচেলেক।