Update This Post

Class 7 Social Science Chapter 25 প্ৰান্তীয় গোট আৰু গণতান্ত্ৰিক অধিকাৰ

Note: আপুনি ইয়াত Post টোৰ এটা copy edit কৰি আছে। Submit নকৰালৈ Live WordPress Post-ত কোনো change নহ'ব।

Post Title

Class 7 Social Science Chapter 25 প্ৰান্তীয় গোট আৰু গণতান্ত্ৰিক অধিকাৰ

Post Title edit কৰিব নোৱাৰিব। কেৱল Post Content update কৰিব পাৰিব।

Post Content

পাঠ ২৫

প্ৰান্তীয় গোট আৰু গণতান্ত্ৰিক অধিকাৰ

১। চমু উত্তৰ লিখা-

(ক) প্রান্তীয় গোট কাক বোলে?

উত্তৰঃ আৰ্থিক, সামাজিক আৰু শৈক্ষিক অনগ্ৰসৰতাত ভোগা লোকসকলকে প্ৰান্তীয় গোট হিচাপে অভিহিত কৰিব পাৰি।

(খ) অসমৰ চাহখেতিৰ বাবে ব্রিটিছসকলে ক'ৰ পৰা বনুৱা আমদানি কৰিছিল?

উত্তৰঃ ভাৰতৰ মধ্যভাগৰ পৰা।

(গ) কোনখন আইনমতে প্রাথমিক শিক্ষা বাধ্যতামূলক কৰা হয়?

উত্তৰঃ শিক্ষাৰ অধিকাৰ আইন ২০০৯।

(ঘ) গৰাখহনীয়া হ'লে কি হয়?

উত্তৰঃ গৰাখহনীয়াৰ ফলত একো একোখন গাওঁ, খেতি পথাৰ আদি নদীৰ পানীত জাহ যায়।

(ঙ) বৃহৎ নদীবান্ধৰ পৰা কি অপকাৰ হ'ব পাৰে?

উত্তৰঃ নদী বান্ধৰ বাবে বান্ধৰ ওপৰৰ অংশত পানী জমা কৰি ৰাখিবলৈ এক বিস্তৃত এলেকাৰ প্ৰয়োজন হয়। ইয়াৰ ফলত, বান্ধ নির্মাণৰ বাবে সেই অঞ্চলত বসবাস কৰা লোকসকলক নিজৰ ঠাই এৰি যোৱাৰ বাধ্যতা থাকে। আনহাতে, বান্ধৰ নামনি অংশত বাস কৰা লোকসকলে নানা অসুবিধাৰ সন্মুখীন হয়। নদীৰ পানী ওপৰৰ অংশত আৱদ্ধ কৰি ৰখাৰ বাবে তলৰ কৃষিজীৱী লোকসকলে কৃষিৰ বাবে আৱশ্যকীয় পানী নাপায়।

নৈৰ পানী তৰাং হোৱাৰ লগে লগে তাত থকা মাছ-পুঠি আৰু বিভিন্ন জলচৰ প্রাণীসমূহৰ বিলুপ্তি ঘটে। মাছমৰীয়া লোকসকলৰ জীৱিকাত বাধা আহে, আৰু জলপথে আহ-যাহ কৰা লোকসকলৰ যাতায়াতত বিঘ্ন ঘটে। মুঠৰ ওপৰত, সেই অঞ্চলৰ পাৰিপাৰ্শ্বিক ভাৰসাম্যতা বহুগুণে হ্ৰাস পায়। এনে অৱস্থাৰ পৰিপ্ৰেক্ষিতত, সেই অঞ্চল মানুহৰ বসবাসৰ বাবে অনুপযোগী হৈ পৰে।

২। উত্তৰ লিখা-

(ক) কি কি কাৰণত প্রান্তীয় গোটৰ সৃষ্টি হ'ব পাৰে? তেওঁলোকৰ প্রধান সমস্যাসমূহ কি কি?

উত্তৰঃ অর্থনৈতিক বিকাশ, নগৰীকৰণ আৰু আধুনিকীকৰণৰ স্বাৰ্থত সমাজৰ বহু লোকে নিজৰ স্থায়ী ভেটি এৰি আন ঠাইলৈ যাবলৈ বাধ্য হয়, যাৰ ফলত সেইসকল লোক প্ৰান্তীয় গোট হিচাপে পৰিগণিত হয়। চাহ উদ্যোগ, বৃহৎ নদীবান্ধ, প্রাকৃতিক দুর্যোগ, বানপানী, গৰাখহনীয়া আৰু ভূমিকম্পৰ ফলতো বহুলোক প্ৰান্তীয় গোটলৈ ৰূপান্তৰিত হয়।

ঔদ্যোগিক আৰু অর্থনৈতিক বিকাশ, নগৰীকৰণ আদি প্ৰক্ৰিয়াৰ ফলস্বৰূপে প্ৰান্তীয় লোকসকলে নিজৰ স্থায়ী ভেটি এৰিবলগীয়া হয়। পূৰ্বৰে পৰা আৰ্থ-সামাজিক আৰু শৈক্ষিক দিশত অনগ্রসৰ এই মানুহখিনিয়ে নিজৰ অধিকাৰ হেৰুৱাই দিশহাৰা হৈ পৰে, আৰু সমাজৰ কোনো দূৰ প্ৰান্তলৈ গুচি যায়। লাহে লাহে, তেওঁলোকৰ জীৱন-জীৱিকাত আউল লাগে। সংস্থাপনহীন হৈ অ'ত-ত'ত সিঁচৰতি হৈ থকা মানুহখিনি সমাজৰ মূল অংশৰ পৰা বিচ্ছিন্ন হৈ পৰে।(খ) জনজাতি আৰু অনুসূচিত জাতিৰ ছাত্ৰ-ছাত্ৰীসকলক সংবিধানে কি বিশেষ সুবিধা প্রদান কৰিছে?

উত্তৰঃ জনজাতি আৰু অনুসূচিত জাতিৰ ছাত্ৰ-ছাত্ৰীসকলক সংবিধানে সুবিধা কৰা প্ৰধান ভাগবোৰ তলত উল্লেখ কৰা হ'ল।

(i) বিভিন্ন জনজাতিসকলৰ শৈক্ষিক বিকাশৰ বাবে শিক্ষানুষ্ঠান, কাৰিকৰী প্রতিষ্ঠানসমূহত আসন সংৰক্ষণ কৰা হৈছে।

(ii) জনজাতি আৰু অনুসূচীত জাতিৰ ছাত্ৰ-ছাত্ৰীসকলৰ উচ্চশিক্ষাৰ বাবে বিশেষ জলপানিৰ সুবিধা প্রদান কৰা হৈছে।

(iii) অসমৰ চাহ জনগোষ্ঠীসকলৰ সুৰক্ষাৰ বাবে 'অসম চাহ শ্রমিক কল্যাণ পৰিষদ’ আছে।

(iv) জনজাতি লোকসকলৰ বাবে ভূমি সংৰক্ষণৰ ব্যৱস্থা কৰা হৈছে।

(v) অস্পৃশ্যতা বর্জন আইনৰ অধীনত সমাজৰ সকলো শ্ৰেণীৰ লোকৰ মাজত মিলামিছাৰ সুবিধা প্রদান কৰা হৈছে।

(vi) সংখ্যালঘু লোকসকলৰ ভাষা-সংস্কৃতিৰ প্রতি গুৰুত্ব প্রদান কৰি সংবিধানে তাৰ ৰক্ষণাবেক্ষণৰ ব্যৱস্থা কৰিছে।

(vii) শিক্ষাৰ অধিকাৰ আইন ২০০৯ৰ অধীনত সমাজৰ কোনো ল'ৰা-ছোৱালী প্রাথমিক শিক্ষাৰ অধিকাৰৰ পৰা বঞ্চিত হ’ব নোৱাৰাটো নিশ্চিত কৰিছে।

(জ) পার্বত্য অঞ্চলৰ জনজাতিসকলৰ বাবে কেনেধৰণৰ স্বায়ত্বশাসন আছে? দুখনৰ নাম লিখা।

উত্তৰঃ জনজাতিসকলৰ আর্থ-সামাজিক উন্নতিৰ বাবে স্বায়ত্ব শাসন দ্বাৰা ব্যৱস্থা গ্ৰহণ কৰা কৰিছে। অসমৰ পার্বত্য জনজাতি অধ্যুষিত অঞ্চলৰ কাৰ্বিসকলৰ বাবে কার্বি আংলং জিলা পৰিষদ আৰু ডিমাহাছাওসকলৰ বাবে উত্তৰ কাছাৰ পার্বত্য জিলা পৰিষদ গঠন কৰা হৈছে।

৩। খালী ঠাই পূৰ কৰা

(ক) সংবিধানৰ দৃষ্টিত আমি সকলোৱে এক ।

উত্তৰঃ সংবিদানৰ দৃষ্টিত আমি সকলোৱে এক ভাৰতীয়।

(খ) মাটি চাহ খেতিৰ বাবে উপযোগী।

উত্তৰঃ অসমৰ মাটি চাহ খেতিৰ বাবে উপযোগী।

(গ) দেশৰ বিকাশত ভাগ ল'বলৈ প্ৰতিজন নাগৰিকেই, ।

উত্তৰঃ দেশৰ বিকাশত ভাগ ল'বলৈ প্ৰতিজন নাগৰিকেই, দায়বদ্ধ।

(ঘ) সংখ্যালঘু লোকসকলৰ ক গুৰুত্ব প্রদান কৰি সংবিধানে তাৰ ৰক্ষণাবেক্ষণৰ ব্যৱস্থা কৰিছে।

উত্তৰঃ সংখ্য়ালঘু লোকসকলৰ ভাষা সাংস্কৃতিক ক গুৰুত্ব প্ৰদান কৰি সংবিধানে তাৰ ৰক্ষণাবেক্ষণৰ ব্য়ৱস্থা কৰিছে।

(ঙ) মানুহে শস্যও উৎপাদন কৰিব নোৱাৰে মৎস্য ও উৎপাদন কৰিব নোৱাৰে।

উত্তৰঃ মানুহে শস্য়ও উৎপাদন কৰিব নোৱাৰে মৎস্য়ও উৎপাদন কৰিব নোৱাৰে।

৪। শুদ্ধ অশুদ্ধ বাছি উলিওৱা-

(ক) অন্য প্রান্তৰ পৰা অহা ছাত্র-ছাত্রীৰ লগত বন্ধুত্ব কৰিম।

উত্তৰঃ শুদ্ধ।

(খ) বেলেগ বেলেগ ৰীতি-নীতিৰে চলা মানুহক অৱহেলা কৰিম।

উত্তৰঃ অশুদ্ধ।

(গ) দেশৰ সকলোৰে মংগলৰ বাবে চৰকাৰৰ লগত সহযোগিতা কৰিম।

উত্তৰঃ শুদ্ধ।

(ঘ) আমি আন ব্যক্তিক শ্রদ্ধা, মৰম, সন্মান জনালেহে আমিও স্নেহ পাম।

উত্তৰঃ শুদ্ধ।

(ঙ) প্রাকৃতিক দুর্যোগ হ'লে আমি পৰস্পৰে পৰস্পৰক সহায় নকৰো।

উত্তৰঃ অশুদ্ধ।

Your Email ID

Verification record-ৰ বাবে Email ID প্রয়োজন। Name নালাগে।

What did you update?

আপুনি কি কি সলনি কৰিলে সৰুকৈ লিখক। Admin Review page-ত automatic change highlight-ও দেখা যাব।

Submit কৰাৰ পাছত এই Update টো Pending Verification হিচাপে save হ'ব।