ভাৰতবৰ্ষঃ অৱস্থিতি
প্রশ্নাৱলী
১. শুদ্ধ উত্তৰ বাছি উলিওৱা।
(i) ভাৰতবৰ্ষৰ অক্ষৰৈখিক বিস্তৃতিৰ শুদ্ধ তথ্য কোনটো?
(ক) ৮° ৪১ – ৩৫° ৭ উত্তৰ
(খ) ৮° ৪ – ৩৭° ৬ উত্তৰ
(গ) ৮° ৪ – ৩৫° ৪ উত্তৰ
(ঘ) ৬° ৪৫ – ৩৭° ৬ উত্তৰ
উত্তৰঃ (খ) ৮° ৪ – ৩৭° ৬ উত্তৰ
(i) কোনখন দেশে ভাৰতবৰ্ষৰ সতে দীর্ঘতম স্থলসীমান্তৰ অংশীদাৰ হৈছে?
(ক) বাংলাদেশ
(খ) চীন
(গ) পাকিস্তান
(ঘ) ম্যানমাৰ
উত্তৰঃ (ক) বাংলাদেশ
(ii) তলত উল্লেখ কৰা কোনখন ৰাষ্ট্ৰ ভাৰতবৰ্ষতকৈ আকাৰত ডাঙৰ?
(ক) চীন
(খ) ইজিপ্ত
(গ) ফ্রান্স
(ঘ) ইৰান
উত্তৰঃ (ক) চীন
(iii) ভাৰতবৰ্ষৰ কাৰণে মান দ্রাঘিমা কোনডাল?
(ক) ৬৯° ৩০ পূৱ
(খ) ৮২° ৩০ পূৱ
(গ) ৭৫° ৩০ পূৱ
(ঘ) ৯০° ৩০ পূৱ
উত্তৰঃ (খ) ৮২° ৩০ পূৱ।
(2) তলৰ প্ৰশ্নবোৰ ৩০ টা মান শব্দৰ ভিতৰত উত্তৰ লিখা-
(i) ভাৰতবৰ্ষক একাধিক মান সময়ৰ প্ৰয়োজন আছেনে? যদি প্রয়োজন, ইয়াৰ কাৰণ কি?
উত্তৰঃ ভাৰতবৰ্ষ এখন বিস্তৃত দেশ। ইয়াৰ পূৱ আৰু পশ্চিম দ্ৰাঘিমাৰেখাৰ অন্তৰ প্ৰায় ৩০° হোৱাৰ বাবে স্থানীয় সময়ৰ ব্যৱধান প্ৰায় ২ ঘণ্টা হয়। সেয়েহে একাধিক মান সময়ৰ প্ৰয়োজন আছে।
(ii) ভাৰতবৰ্ষৰ উপকূলৰেখা দীঘল হোৱাৰ ফলত কি সুবিধা বা অসুবিধা হৈছে লিখা।
উত্তৰঃ ভাৰতবৰ্ষৰ দীঘল উপকূলৰেখাৰ ফলত বাণিজ্য, মৎস্য আহৰণ আৰু বন্দৰ উন্নয়ন সুবিধা পাইছে। কিন্তু ঘূৰ্ণীবতাহ, সাগৰ ক্ষয় আৰু সুনামিৰ দৰে প্ৰাকৃতিক দুৰ্যোগৰ আশংকা বৃদ্ধি পাইছে।
(iii) অক্ষৰেখাৰ বিস্তৃতিয়ে ভাৰতবৰ্ষক কেনে কুফল দিছে?
উত্তৰঃ অক্ষৰেখাৰ বিস্তৃতিৰ ফলত ভাৰতবৰ্ষত ঋতুভেদে দিন-ৰাতিৰ দৈৰ্ঘ্যৰ পাৰ্থক্য দেখা যায়। ফলস্বৰূপে জলবায়ু অসমান হয় আৰু কৃষি কাৰ্যত প্ৰভাৱ পৰে।
(iv) কহিমাত (নাগালেণ্ড) যেতিয়া সূর্যোদয় আৰু সূৰ্য্যাস্ত আগতীয়াকৈ হ’য়, দিল্লী আৰু কহিমাৰ ঘড়ীৰ কাটাত একে সময় হ’য় কেনেকৈ?
উত্তৰঃ ভাৰতবৰ্ষত ৮২° ৩০′ পূৰ্ব দ্ৰাঘিমাৰেখাক মান সময় হিচাপে গ্ৰহণ কৰা হৈছে। সেয়েহে সূৰ্যোদয়-অস্তৰ সময় ভিন্ন হ’লেও দিল্লী আৰু কহিমাত ঘড়ীৰ সময় একে থাকে।