Chapter 4 –
সকলো মানুহৰ প্রতি সমব্যবহাৰ
1. চমু প্রশ্নোত্তৰ (সংক্ষিপ্ত প্রশ্নোত্তৰ):
প্রশ্ন ১: আচলতে সজ আচৰণ কিদৰে শিকিব পাৰি?
উত্তৰ: আচলতে সজ আচৰণ শিকিবৰ বাবে প্ৰথমে আমি সজ গুণৰ অধিকাৰী হ’ব লাগিব। অন্তৰৰ ভাব যদি সুন্দৰ হয়, তেনেহলে বাহিৰৰ আচৰণও সুন্দৰ হয়।
প্রশ্ন ২: বিনয় গুণ কিয় মানুহৰ চৰিত্ৰৰ অলংকাৰ বুলি কোৱা হৈছে?
উত্তৰ: বিনয় গুণ মানুহৰ আচৰণক কোমল আৰু গ্রহণযোগ্য কৰে। ই অইন মানুহৰ সহানুভূতি আৰু সন্মান লাভত সহায় কৰে, সেইকাৰণে এই গুণক মানুহৰ চৰিত্ৰৰ অলংকাৰ বুলি কোৱা হৈছে।
প্রশ্ন ৩: অশিষ্ট আচৰণ বুলিলে কি বুজা যায়?
উত্তৰ: অশিষ্ট আচৰণ বুলিলে বুজা যায় – কোনো ব্যক্তিৰ কথাৰ মাজতে কথা পাতি দিয়া, অইনক কথা ক’বলৈ সুযোগ নিদিয়া বা অতিমাত্রায় কথা কৈ সময় নষ্ট কৰা।
প্রশ্ন ৪: সমাজত কোনো কাম হীন বুলি কিয় ধৰা নাযায়?
উত্তৰ: যি কামেই হওক, যদি সমাজৰ হিতৰ বাবে প্ৰয়োজনীয় হয়, তেনেহলে সেই কাম হীন নহয়। সকল কামই প্ৰয়োজনীয় আৰু সেইকাৰণে সন্মানযোগ্য।
প্রশ্ন ৫: শাৰীৰিক পৰিশ্রমৰ মূল্য কিয় আছে?
উত্তৰ: শাৰীৰিক পৰিশ্রমৰ ফলত স্বাস্থ্য ভালে থাকে, সমাজ চলে আৰু দেশৰ সম্পদ বৃদ্ধি হয়। খেতিয়ক, কুমাৰ, শিপিনী আদি সকলো শাৰীৰিক পৰিশ্রমৰে সমাজৰ উন্নতি সাধন কৰে।
2. দীঘল প্রশ্নোত্তৰ (Long Questions and Answers):
প্রশ্ন ৬: সজ আচৰণৰ গুৰুত্ব ব্যাখ্যা কৰা।
উত্তৰ: সজ আচৰণ মানুহৰ আচল গুণৰ প্ৰকাশ। কৃত্রিম সজ আচৰণ স্বার্থত পৰাৰ লগে লগে ভঙ হয়। এজন ব্যক্তি যদি আন্তৰিকভাৱে সজ গুণৰ অধিকাৰী হয়, তেনেহলে তেওঁৰ আচৰণ অইনৰ মাজত সন্তোষ আৰু আনন্দ আনে। সজ আচৰণ নতুন বন্ধু তৈয়াৰ কৰে, শান্তি প্রতিষ্ঠা কৰে আৰু সমাজৰ উন্নতি সাধন কৰে। সমাজত যদি সকলো সজ আচৰণৰে চলা শিকে, তেনেহলে বিবাদ কমে আৰু শান্তি বৃদ্ধি পায়।
প্রশ্ন ৭: কথোপকথনৰ সময়ত কি কি শিষ্টাচাৰ অনুসৰণ কৰা উচিত?
উত্তৰ: কথোপকথনৰ সময়ত–
অইনজনক কথা ক’বলৈ সুযোগ দিয়াটো উচিত।
কথা মন দি শুনা উচিত।
মতভেদ থাকিলেও বিনয়ৰে মত প্ৰকাশ কৰা উচিত।
অইনৰ কথাৰ মাজতে কথা নোকোৱা উচিত।
সময়ৰ অপব্যৱহাৰ নকৰে, ইবোৰ আচল শিষ্টাচাৰ।
প্রশ্ন ৮: সমাজত সকলো কাম সমান সন্মানৰ যোগ্য কিয়?
উত্তৰ: সমাজত সকলো কাম– যি সমাজৰ হিত সাধন কৰে– সন্মানৰ যোগ্য। চাফাইকর্মী, খেতিয়ক, শিক্ষক, অধ্যাপক – সকলোৰে কামৰে সমাজ চলে। চাফাইকর্মীৰ কাম স্বাস্থ্যৰ বাবে, শিক্ষক-অধ্যাপকৰ কাম মানসিক বিকাশৰ বাবে। সেইকাৰণে কাম অনুসৰি নহয়, ব্যক্তিৰ নৈতিকতা অনুসাৰেই সন্মান হ’ব লাগে।
প্রশ্ন ৯: শাৰীৰিক পৰিশ্ৰমৰ প্ৰয়োজনীয়তা কেনেকৈ সমাজত দেখা যায়?
উত্তৰ: শাৰীৰিক পৰিশ্রম সমাজৰ ভিত্তি। কৃষিকাৰ্য, শিল্প, পশুপালন, চাফা-চফাই – সকলো শাৰীৰিক পৰিশ্রমৰ ওপৰত নিৰ্ভৰশীল। শাৰীৰিক পৰিশ্রমেই উৎপাদন, স্বাস্থ্য আৰু সমাজৰ পৰিকাঠামো বজাই ৰাখে। বাইবেলতো কৈছে – “মূৰৰ ঘাম মাটিত পেলাই খোৱা উচিত”।
এই Post টো Update কৰাত সহায় কৰিব বিচাৰে নেকি?
ইয়াত কিবা ভুল, অসম্পূৰ্ণ তথ্য বা নতুন তথ্য থাকিলে আপুনি এটা উন্নত version প্ৰস্তুত কৰিব পাৰে। Live Post তৎক্ষণাৎ সলনি নহ'ব।
Update This Post