পিঠাৰ মেল
পাঠভিত্তিক ক্রিয়াকলাপ
১। কোনে কাক কি প্ৰসংগত কৈছে?
(ক) “এই দেশত আৰু বেছি দিন
নাই আমাৰ ভাত।”
উত্তৰঃ উক্ত কথাষাৰ চুঙা পিঠাই খোলাচাপৰীয়া পিঠাক কৈছিল। আজিকালি মানুহে নতুন নতুন মিঠাই, লুচি, বিস্কুট আদি খাবলৈ ভাল পোৱাত লাৰু-পিঠাৰ মান-সন্মান কমি যোৱা দেখি চুঙা পিঠাই দুখ প্ৰকাশ কৰি এই কথাষাৰ কৈছিল।
(খ) “কিয় কৱ তেনে দুখ লগা কথা?”
উত্তৰঃ উক্ত কথাষাৰ সুতুলী পিঠাই চুঙা পিঠাক কৈছিল। চুঙা পিঠাই দেশত পিঠাবোৰৰ আৰু বেছি দিন ভাত নাই বুলি দুখ প্ৰকাশ কৰাত সুতুলী পিঠাই এই কথাষাৰ কৈছিল।
(গ) “লাৰু আৰু পিঠাবোৰক হায়
ঘিণৰ চকুৰে চায়।”
উত্তৰঃ উক্ত কথাষাৰ চুঙা পিঠাই খোলাচাপৰীয়া পিঠাক কৈছিল। আজিকালি মানুহে ৰসগোল্লা আদি নতুন মিঠাইৰ প্ৰতি বেছি আকৰ্ষিত হৈ পৰি লাৰু-পিঠাক ঘিণৰ চকুৰে চোৱা দেখি চুঙা পিঠাই দুখ প্ৰকাশ কৰি এই কথাষাৰ কৈছিল।
২। তলৰ খালী ঠাইত বাকচত থকা উপযুক্ত শব্দৰে পূৰোৱা।
অতি অসন্মান / অৱমাননা — ঘোৰ অপমান
আকস্মাৎ — হঠাৎ
বিহুৰ আগদিনা — উৰুকা
শস্য আদি থ’বৰ বাবে বাঁহৰ কাঠিৰে সজা বহল মুখৰ সঁজুলি — পাচি
লৰালৰিকৈ কৰা কাৰ্য — ঘপৰাই
ঘৃণা, ভাল নোপোৱা — ঘিণ
বস্তু সামৰি থোৱা কোঠা — ভঁৰালী কোঠা
৩। পদ্যটোত উল্লেখ থকা পিঠাৰ নামবোৰ পাচিৰ পৰা বিচাৰি উলিয়াই খালী ঠাইত লিখা।
উত্তৰঃ পদ্যটোত উল্লেখ থকা পিঠাবোৰ হৈছে— চুঙা পিঠা, খোলাচাপৰীয়া পিঠা, সুতুলী পিঠা আৰু ফেনি পিঠা।
৪। উত্তৰ লিখা:
(ক) খোলাচাপৰীয়া পিঠাক কোনে কি বুলি সম্বোধন কৰিছিল?
উত্তৰঃ খোলাচাপৰীয়া পিঠাক চুঙা পিঠাই “খোলাচাপৰীয়া বাই” বুলি সম্বোধন কৰিছিল।
(খ) কি কি পিঠাই ‘পিঠাৰ মেল’ত ভাগ লৈছিল?
উত্তৰঃ চুঙা পিঠা, খোলাচাপৰীয়া পিঠা, সুতুলী পিঠা আৰু ফেনি পিঠাই ‘পিঠাৰ মেল’ত ভাগ লৈছিল।
(গ) অকণমানিয়ে পিঠা, লাৰুৰ সলনি কি কি খাবলৈ বিচাৰে?
উত্তৰঃ অকণমানিয়ে পিঠা, লাৰুৰ সলনি ৰসগোল্লা, লুচি, বিস্কুট আৰু চাহ খাবলৈ বিচাৰে।
৫। “চুঙা পিঠাই মাতিলে ঘপৰাই খোলাচাপৰীয়া বাই”— ‘ঘপৰাই’ শব্দটোৰ দৰে ‘টপৰাই’ শব্দটোৱেও ‘ততালিকৈ’ অৰ্থ প্ৰকাশ কৰে। ‘টপৰাই’ শব্দটো ব্যৱহাৰ কৰি তিনিটা বেলেগ বেলেগ বাক্য লিখা।
উত্তৰঃ
(ক) অলিয়ে প্ৰশ্ন কৰোঁতেই ৰাজুৱে টপৰাই উত্তৰ দিলে।
(খ) সকলো কথাতে টপৰাই উত্তৰ দিব নালাগে।
(গ) শিক্ষকে সোধা প্ৰশ্নটোৰ উত্তৰ ৰিনাই টপৰাই দিলে।
৬। দলত আলোচনা কৰি শব্দবোৰৰ পাৰ্থক্য উলিয়াই একোটাকৈ বাক্য ৰচনা কৰা।
(ক) কথা — কঠা
উত্তৰঃ
কথা (মুখৰ কথা) — ৰিমা আৰু সীমাই বহি কথা পাতি আছে।
কঠা (মাটিৰ জোখ) — তেওঁলোকৰ দুই কঠা মাটি আছে।
(খ) পানী — পাণি
উত্তৰঃ
পানী (জল) — বিশুদ্ধ পানী খোৱা স্বাস্থ্যৰ বাবে ভাল।
পাণি (হাত) — তেওঁ দুহাত পাণি জোৰ কৰি প্ৰণাম জনালে।
(গ) মাটি — মাতি
উত্তৰঃ
মাটি (ভূমি) — অসমৰ মাটি যথেষ্ট উৰ্বৰ।
মাতি (মাতা ক্ৰিয়াৰ ৰূপ) — মায়ে মোক ওচৰলৈ মাতি নিলে।
(ঘ) দিন — দীন
উত্তৰঃ
দিন (দিনৰ সময়) — আজি দিনটো বৰ সুন্দৰ।
দীন (দুখীয়া) — দীন-দৰিদ্ৰ মানুহক সহায় কৰিব লাগে।
(ঙ) কালি — কালী
উত্তৰঃ
কালি (যোৱা দিন বা অহা দিন বুজাব পাৰে) — মই কালি গুৱাহাটীলৈ গৈছিলোঁ।
কালী (দেৱীৰ নাম) — কালী হিন্দু ধৰ্মৰ এগৰাকী পূজিতা দেৱী।
(চ) খালি — খালী
উত্তৰঃ
খালি (কেৱল) — সি খালি খেলিবলৈহে ভাল পায়।
খালী (শূন্য) — গিলাচটো খালী হৈ আছে।
৭। নাওখনত দিয়া অব্যয় পদেৰে তলৰ বাক্যকেইটা সম্পূৰ্ণ কৰা।
এতেকে, গতিকে, নাইবা, যিহেতু, দেখোন, কিন্তু, আৰু, বা
(ক) ৰমলা আৰু ৰহিমলা দুয়ো বাই-ভনী।
(খ) বিদ্যাই পৰম ধন, গতিকে মনোযোগেৰে পঢ়া-শুনা কৰিব লাগে।
(গ) এটা ঘৰ নাইবা এখন চকীৰ ছবি আঁকা।
(ঘ) কাহিনী শুনিও দেখোন ৰস পোৱা যায়।
(ঙ) মই আজি খেলিবলৈ নাযাওঁ, যিহেতু কাইলৈ মোৰ পৰীক্ষা আছে।
এই Post টো Update কৰাত সহায় কৰিব বিচাৰে নেকি?
ইয়াত কিবা ভুল, অসম্পূৰ্ণ তথ্য বা নতুন তথ্য থাকিলে আপুনি এটা উন্নত version প্ৰস্তুত কৰিব পাৰে। Live Post তৎক্ষণাৎ সলনি নহ'ব।
Update This Post