ফুলকোঁৱৰৰ গীত
পাঠভিত্তিক ক্রিয়াকলাপ
১। গীতটিৰ কাহিনীভাগ নিজৰ কথাৰে সজাই-পৰাই লিখা।
উত্তৰঃ ‘ফুলকোঁৱৰৰ গীত’ত মালিনীৰ বাৰ বছৰ ধৰি শুকাই থকা ফুলনি বাৰী এখন ফুলকোঁৱৰৰ আগমনত কেনেদৰে পুনৰ সজীৱ হৈ উঠিল, সেই কাহিনী বৰ্ণনা কৰা হৈছে।
এদিন ফুলকোঁৱৰ কাঠৰ পখী ঘোঁৰাত উঠি উৰি আহি মালিনীৰ বাৰীত পৰিল। সেই ঘোঁৰাৰ গতি ইমান বেছি আছিল যে ছমাহৰ বাট এদিনতে অতিক্ৰম কৰিছিল। ফুলকোঁৱৰে ভৰিৰে টিপা মাৰোতে সেউতী, মালতী, তগৰ, গুটিমালি আদি ফুলগছবোৰে শিপা ধৰিলে। তাৰ পিছত তেওঁ মুখেৰে শংখ বজাওঁতে গছবোৰে পোখা মেলিলে। শাল মাৰোতে ডাল মেলিলে, চলি মাৰোতে কলি পেলালে আৰু শূল মাৰোতে ফুলবোৰ ফুলি উঠিল।
এইদৰে বাৰ বছৰ ধৰি শুকাই থকা ফুলনি বাৰীখন ফুলেৰে তিৰবিৰাই উঠিল। বাটৰুৱাসকলে সেই দৃশ্য দেখি আচৰিত হৈ মালিনীৰ ভাগ্য ভাল হোৱা বুলি ক’লে।
২। তলৰ শব্দবোৰৰ অৰ্থ লিখা।
উত্তৰঃ
টিপা — আঙুলি বা হাতেৰে মৰা চেপা।
শাল — এমূৰ জোঙা চুটি খুঁটি।
চলি — চাঁচি এৰুৱা পাতল কাঠ।
শূল — জোঙা অস্ত্ৰ।
দশা — অৱস্থা বা ভাগ্য।
শঁখা — শংখ।
তমস্কাৰ — সুন্দৰ, পৰিপাটি বা শোভাময়।
৩। উত্তৰ দিয়া:
(ক) ফুলকোঁৱৰ উঠি উৰি যোৱা ঘোঁৰাটো কিহৰ আছিল?
উত্তৰঃ ফুলকোঁৱৰ উঠি উৰি যোৱা ঘোঁৰাটো কাঠৰ আছিল।
(খ) ঘোঁৰাত উঠি গৈ ফুলকোঁৱৰ ক’ত পৰিছিল?
উত্তৰঃ ঘোঁৰাত উঠি গৈ ফুলকোঁৱৰ মালিনীৰ বাৰীত পৰিছিল।
(গ) ফুলকোঁৱৰে ছমাহৰ বাট এদিনতে কেনেকৈ পালে?
উত্তৰঃ ফুলকোঁৱৰে কাঠৰ পখী ঘোঁৰাত উঠি উৰি অহাৰ বাবে ছমাহৰ বাট এদিনতে পাইছিল।
(ঘ) ফুলনিখনৰ ফুলবোৰ কোনে ফুলালে?
উত্তৰঃ ফুলনিখনৰ ফুলবোৰ ফুলকোঁৱৰে ফুলালে।
৪। বুজাই লিখা।
(ক) “ই বোলে মালিনী, সি বোলে মালিনী,
তোৰ দশা ভাল হ’ল।”
গীতফাকিত ‘মালিনী’ কাক বোলা হৈছে? মালিনীৰ দশা কিয় ভাল হোৱা বুলি কৈছে?
উত্তৰঃ গীতফাকিত ‘মালিনী’ বুলি ফুলনি বাৰীখনৰ গৰাকীক বোলা হৈছে। তেওঁৰ বাৰ বছৰীয়া শুকান ফুলৰ বাৰীখন ফুলকোঁৱৰৰ আগমনত পুনৰ সজীৱ হৈ ফুলেৰে তিৰবিৰাই উঠিছিল। সেইবাবে বাটৰুৱাসকলে মালিনীৰ দশা ভাল হোৱা বুলি কৈছিল।
(খ) ফুলকোঁৱৰৰ হাতৰ পৰশত ফুলনি বাৰীখন কেনেদৰে তমস্কাৰ হৈছিল?
উত্তৰঃ ফুলকোঁৱৰে ভৰিৰে টিপা মাৰোতে ফুলগছবোৰে শিপা ধৰিলে, মুখেৰে শংখ বজাওঁতে পোখা মেলিলে, শাল মাৰোতে ডাল মেলিলে, চলি মাৰোতে কলি পেলালে আৰু শূল মাৰোতে ফুলবোৰ ফুলি উঠিল। এইদৰে ফুলকোঁৱৰৰ পৰশত শুকান ফুলনি বাৰীখন সুন্দৰ আৰু তমস্কাৰ হৈ উঠিছিল।
(গ) শিপা ধৰাৰ পৰা কি কি স্তৰ পাৰ হৈ ফুলবোৰ ফুলিছিল?
উত্তৰঃ প্ৰথমে ফুলগছবোৰে শিপা ধৰিছিল, তাৰ পিছত পোখা মেলিছিল, তাৰ পিছত ডাল মেলিছিল, তাৰ পিছত কলি পেলাইছিল আৰু শেষত ফুল ফুলি উঠিছিল।
(ঘ) বাৰ বছৰীয়া শুকান ফুলৰ বাৰীখন কেনেদৰে সলনি হ’ল?
উত্তৰঃ বাৰ বছৰীয়া শুকান ফুলৰ বাৰীখন ফুলকোঁৱৰৰ আগমনত পুনৰ সজীৱ হৈ উঠিল। তেওঁৰ পৰশত গছবোৰে শিপা, পোখা, ডাল আৰু কলি মেলি শেষত ফুলেৰে ভৰি পৰিল।
৫। ‘ক’ অংশৰ লগত ‘খ’ অংশ মিলাই লিখা।
উত্তৰঃ
| ‘ক’ অংশ | ‘খ’ অংশ |
|---|---|
| জেউতি চৰিলে | উৰি যাওঁ উৰি যাওঁ কৰিল |
| ফুলনি বাৰীত থাকোঁতে কোঁৱৰে | ইপাহি সিপাহি লেখি |
| কাঠৰ পখী ঘোঁৰা এৰি ফুলকোঁৱৰে | সৱালৈ মাৰিলে শাল |
| তগৰ গুটিমালি | সৱেও পেলালে কলি |
| কৰে হৰি হৰি | ফুলৰে তিৰবিৰ দেখি |
৬। গীতটোৰ পৰা চন্দ্ৰবিন্দু (ঁ) থকা শব্দবোৰ বাছি উলিয়াই লিখা আৰু শুদ্ধকৈ উচ্চাৰণ কৰিবলৈ শিকা।
উত্তৰঃ ফুলকোঁৱৰ, ঘোঁৰা, যাওঁ, শঁখা, থাকোঁতে, কোঁৱৰে।
৭। শুদ্ধ শব্দ বহুৱাই তলৰ বাক্যবোৰ সম্পূৰ্ণ কৰা।
(ক) — সদায় স্কুললৈ যাওঁ। (সি/মই)
উত্তৰঃ মই সদায় স্কুললৈ যাওঁ।
(খ) ৰতনে সদায় ফুটবল —। (খেলে/খেলিছিল)
উত্তৰঃ ৰতনে সদায় ফুটবল খেলে।
(গ) গোলাপ ফুলপাহি — ৰঙা। (ধকধকীয়া/টিকটিকীয়া)
উত্তৰঃ গোলাপ ফুলপাহি টিকটিকীয়া ৰঙা।
৮। তলৰ গীতফাকিৰ পৰা বিশেষ্য পদকেইটা বাছি উলিওৱা।
উত্তৰঃ পখী, ঘোঁৰা, জেউতি, বাট, মালিনী, বাৰী, ফুলকোঁৱৰ, ভৰি, সেউতী, মালতী, তগৰ, গুটিমালি, শিপা।
৯। ‘শংখ এবিধ মুখেৰে বজোৱা বাদ্য। মুখেৰে আৰু কি কি বাদ্য বজাব পাৰি?’
উত্তৰঃ শংখৰ উপৰি মুখেৰে বাঁহী, পেঁপা, সুতুলি আদি বাদ্য বজাব পাৰি।
এই Post টো Update কৰাত সহায় কৰিব বিচাৰে নেকি?
ইয়াত কিবা ভুল, অসম্পূৰ্ণ তথ্য বা নতুন তথ্য থাকিলে আপুনি এটা উন্নত version প্ৰস্তুত কৰিব পাৰে। Live Post তৎক্ষণাৎ সলনি নহ'ব।
Update This Post