আন্তৰ্জাতিক সংস্থা – ৰাষ্ট্ৰসংঘ আৰু অন্য়ান্য
অতি চমু উত্তৰৰ প্ৰশ্নঃ
১) ৰাষ্ট্ৰসংঘ কিয় গঠন হৈছিল?
উত্তৰঃ- প্ৰথম বিশ্বযুদ্ধৰ পাছত বিশ্বত স্থায়ী শান্তি প্ৰতিষ্ঠা কৰাৰ উদ্দেশ্যে এটা আন্তৰ্জাতিক সংগঠন গঠন কৰা হৈছিল, কিন্তু দ্বিতীয় বিশ্বযুদ্ধ পুনৰ আৰম্ভ হোৱাত সেই প্ৰচেষ্টা ব্যৰ্থ হয়। তাৰ পিছত পুনৰ বিশ্বশান্তি আৰু নিৰাপত্তা বজাই ৰাখিবলৈ ১৯৪৫ চনৰ ২৪ অক্টোবৰত ৰাষ্ট্ৰসংঘ গঠন কৰা হয়।
২) ৰাষ্ট্ৰসংঘৰ দুটা উদ্দেশ্য উল্লেখ কৰা।
উত্তৰঃ- ৰাষ্ট্ৰসংঘৰ দুটা মুখ্য উদ্দেশ্য হ’ল —
(ক) আন্তর্জাতিক শান্তি আৰু নিৰাপত্তা ৰক্ষা কৰা।
(খ) সমান অধিকাৰ আৰু আত্মনিয়ন্ত্ৰণৰ ভিত্তিত দেশসমূহৰ মাজত বন্ধুত্বপূর্ণ সম্পর্ক স্থাপন কৰা।
৩) ৰাষ্ট্ৰসংঘৰ অংগকেইটাৰ নাম লিখা।
উত্তৰঃ- ৰাষ্ট্ৰসংঘৰ মুঠ ৬টা প্রধান অংগ আছে। এইবোৰ হ’ল —
(i) সাধাৰণ সভা
(ii) নিৰাপত্তা পৰিষদ
(iii) অৰ্থনৈতিক আৰু সামাজিক পৰিষদ
(iv) ন্যাসৰক্ষী পৰিষদ
(v) আন্তর্জাতিক ন্যায়ালয়
(vi) সচিবালয়
৪) ৰাষ্ট্ৰসংঘৰ লগত জড়িত থকা দুটা এজেন্সিৰ নাম লিখা।
উত্তৰঃ- ৰাষ্ট্ৰসংঘৰ লগত জড়িত দুটা গুৰুত্বপূর্ণ এজেন্সি হ’ল —
(i) আন্তর্জাতিক শ্রমিক সংস্থা (ILO)
(ii) বিশ্ব স্বাস্থ্য সংস্থা (WHO)
৫) নিৰস্ত্ৰীকৰণৰ সম্পৰ্কত সম্পাদিত হোৱা দুখন চুক্তিৰ নাম লিখা।
উত্তৰঃ- নিৰস্ত্ৰীকৰণৰ ক্ষেত্ৰত সম্পাদিত হোৱা দুটা গুৰুত্বপূর্ণ চুক্তি হ’ল —
(i) ১৯৬৩ চনৰ পাৰমাণৱিক অস্ত্ৰ নিয়ন্ত্ৰণ সম্পৰ্কীয় চুক্তি (NPT)
(ii) ১৯৯৬ চনৰ পাৰমাণৱিক অস্ত্ৰ পৰীক্ষা নিষিদ্ধ চুক্তি (CTBT)
৬) মানৱ অধিকাৰ মানে কি বুজা?
উত্তৰঃ- প্ৰতিজন মানুহে নিজৰ ব্যক্তিত্ব বিকাশ আৰু মৰ্যাদাপূৰ্ণ জীৱন যাপন কৰিবলৈ যিবোৰ মৌলিক অধিকাৰৰ প্ৰয়োজন হয়, সেইবোৰ অধিকাৰকে মানৱ অধিকাৰ বুলি কোৱা হয়।