স্বাধীনতা আন্দোলন আৰু অসমত জাতীয় জাগৰণ
১) ইয়াণ্ডাবু সন্ধি কেতিয়া হৈছিল ?
উত্তৰঃ ১৮২৬ চনৰ ২৪ ফেব্ৰুৱাৰী।
২) কোম্পানিৰ আমোল বুলিলে কোনটো সময় ?
উত্তৰঃ ১৮২৬–১৮৫৮ চন।
৩) অসমত বাংলা ভাষা কেতিয়া প্ৰচলিত হৈছিল ?
উত্তৰঃ ১৮৩৭ চনত।
৪) অসমীয়া ভাষা পুনৰ কেতিয়া প্ৰচলিত হয় ?
উত্তৰঃ ১৮৭৩ চনত।
৫) অসম ছাত্ৰ সন্মিলনৰ মুখপত্ৰ কি ?
উত্তৰঃ মিলন।
৬) ৰায়ত সভাৰ মুখ্য উদ্দেশ্য কি ?
উত্তৰঃ ভূমি আৰু ৰাজহ ব্যৱস্থাৰ বিৰোধিতা কৰা।
৭) সদৌ অসম ৰায়ত সভা কেতিয়া গঠন হৈছিল ?
উত্তৰঃ ১৯৩৩ চনৰ ৮ এপ্ৰিল।
৮) আহোম সভাৰ সম্পাদক কোন ?
উত্তৰঃ পদ্মনাথ গোঁহাইবৰুৱা।
৯) যোৰহাট সাৰ্বজনিক সভা কেতিয়া আৰু কাৰ নেতৃত্বত ?
উত্তৰঃ ১৮৮৪ চনত, জগন্নাথ বৰুৱাৰ নেতৃত্বত।
১০) অসম প্ৰদেশ কংগ্ৰেছ কমিটিৰ প্ৰথম সভাপতি আৰু সম্পাদক ?
উত্তৰঃ সভাপতি—কুলধৰ চলিহা, সম্পাদক—নবীন চন্দ্ৰ বৰদলৈ।
১১) আনুষ্ঠানিক প্ৰথম সভাপতি কোন ?
উত্তৰঃ বিষ্ণুৰাম মেধি।
১২) অসমৰ প্ৰথম প্ৰধানমন্ত্ৰী কোন ?
উত্তৰঃ গোপীনাথ বৰদলৈ (১৯৪৬)।
১৩) কুশল কোঁৱৰক কিহৰ বাবে ফাঁচী দিয়া হৈছিল ?
উত্তৰঃ সৰুপথাৰত ৰে’ল বগৰোৱাৰ বাবে।
১৪) গুৱাহাটী বিশ্ববিদ্যালয় কেতিয়া স্থাপন হয় ?
উত্তৰঃ ১৯৪৮ চনৰ ২৬ জানুৱাৰী।
১৫) অসম চিকিৎসা মহাবিদ্যালয় কেতিয়া নামাংকিত হয় ?
উত্তৰঃ ১৯৪৭ চনৰ ৩ নৱেম্বৰ।
১৬) গুৱাহাটী চিকিৎসা মহাবিদ্যালয় কেতিয়া আৰম্ভ হয় ?
উত্তৰঃ ১৯৬০ চনৰ ২০ ছেপ্তেম্বৰ।
🔹 চমু উত্তৰ
১) অসমীয়া লিটাৰেৰী ছ’চাইটী
১৮৭২ চনত কলিকতাত অসমীয়া ছাত্ৰসকলে গঠন কৰিছিল। উদ্দেশ্য আছিল অসমীয়া ভাষা-সাহিত্য উন্নয়ন। দেৱীচৰণ বৰুৱা আৰু গুণগোবিন্দ ফুকনে নেতৃত্ব দিছিল। ই সাহিত্যৰ লগতে ৰাজনৈতিক সচেতনতাও বৃদ্ধি কৰিছিল।
২) জোনাকী যুগৰ জাতীয়তাবাদ
“জোনাকী” আলোচনীয়ে অসমীয়া সাহিত্যত নৱজাগৰণ আনিছিল। ইয়াৰ মাধ্যমেৰে জাতীয়তাবাদ, অৰ্থনৈতিক সমস্যা আৰু স্বদেশপ্ৰেমৰ চিন্তা প্ৰকাশ পাইছিল।
৩) আহোম সভাৰ দাবী
আহোমসকলৰ সামাজিক-অৰ্থনৈতিক উন্নয়ন, সংখ্যালঘু মৰ্যাদা আৰু বিধানসভাত সংৰক্ষণ দাবী কৰিছিল।
৪) আছাম এছ’চিয়েচনৰ দাবীসমূহ
কৰ বিৰোধিতা, শিক্ষা উন্নয়ন, স্থানীয় শাসনত গণতন্ত্ৰ, বিশ্ববিদ্যালয় স্থাপন, বংগ বিভাজন বিৰোধিতা আদি।
৫) অসহযোগ আন্দোলনৰ নেতা (অসম)
কুলধৰ চলিহা, নবীন চন্দ্ৰ বৰদলৈ, তৰুণ ৰাম ফুকন, বিষ্ণুৰাম মেধি আদি নেতাই নেতৃত্ব দিছিল।
৬) কানিংহাম চাৰ্কুলাৰ
১৯৩০ চনত জাৰি কৰা হৈছিল। ছাত্ৰসকলক আন্দোলনৰ পৰা বিৰত ৰাখিবলৈ এই ব্যৱস্থা লোৱা হৈছিল।
৭) স্বাধীনতাৰ পিছৰ সমস্যা (বৰদলৈ মন্ত্ৰীসভা)
যোগাযোগ বিচ্ছিন্নতা, বাণিজ্য হ্ৰাস, সীমান্ত সমস্যা, অনুপ্ৰৱেশ আৰু নিৰাপত্তা সংকট।
৮) অসম কৃষি বিশ্ববিদ্যালয়
১৯৬৯ চনত স্থাপন হয়। আগতে কৃষি আৰু পশু মহাবিদ্যালয় স্থাপন হৈছিল।
৯) অসম চিকিৎসা মহাবিদ্যালয়
ডিব্ৰুগড়ত ১৯০০ চনত বেৰী হোৱাইট মেডিকেল স্কুল হিচাপে আৰম্ভ হয়, ১৯৪৭ চনত নামাংকিত হয়।
🔹 দীঘল উত্তৰ
১) অসমীয়া ভাষা উন্নতি সাধিনী সভা
১৮৮৮ চনত কলিকতাত গঠন হৈছিল। হেমচন্দ্ৰ গোস্বামী, লক্ষ্মীনাথ বেজবৰুৱা আদি ইয়াৰ প্ৰতিষ্ঠাতা। সভাৰ মূল উদ্দেশ্য আছিল অসমীয়া ভাষা আৰু সাহিত্যৰ উন্নয়ন আৰু সংৰক্ষণ।
এই সভাই অসমীয়া ভাষাক শক্তিশালী আৰু বৈজ্ঞানিক ৰূপ দিবলৈ চেষ্টা কৰিছিল। বিদ্যালয়সমূহত শুদ্ধ ব্যাকৰণ ব্যৱহাৰৰ ওপৰত গুৰুত্ব দিছিল। বিভিন্ন ভাষাৰ গ্ৰন্থ অসমীয়া ভাষালৈ অনুবাদ কৰা হৈছিল। “হেমকোষ” প্ৰকাশ এই সভাৰ এক উল্লেখযোগ্য অৱদান।
সভাৰ দ্বাৰা প্ৰকাশিত “জোনাকী” আলোচনীয়ে অসমীয়া সাহিত্যত নতুন যুগৰ সূচনা কৰে। ইয়াৰ জৰিয়তে জাতীয়তাবাদ, সাহিত্যিক চিন্তা আৰু সাংস্কৃতিক চেতনাৰ বিকাশ ঘটে।
২) অসম ছাত্ৰ সন্মিলনৰ অৱদান
১৯১৬ চনত গঠন হোৱা এই সন্মিলনৰ উদ্দেশ্য আছিল ভাষা, শিক্ষা আৰু সংস্কৃতিৰ উন্নয়ন। প্ৰথম অধিৱেশনত লক্ষ্মীনাথ বেজবৰুৱাই সভাপতিত্ব কৰিছিল।
ছাত্ৰসকলৰ মাজত ঐক্য স্থাপন, সাহিত্য-সংস্কৃতি উন্নয়ন আৰু জাতীয় চেতনা গঢ় দিয়াত এই সন্মিলনে গুৰুত্বপূৰ্ণ ভূমিকা পালন কৰে। “মিলন” নামৰ মুখপত্ৰৰ জৰিয়তে বিভিন্ন চিন্তা প্ৰকাশ পায়।
পিছলৈ এই সন্মিলন স্বাধীনতা আন্দোলনত সক্ৰিয়ভাৱে অংশগ্ৰহণ কৰে আৰু অসমৰ ৰাজনৈতিক ক্ষেত্ৰতো প্ৰভাৱ বিস্তাৰ কৰে।
৩) ৰায়ত সভা (উদ্দেশ্য আৰু ভূমিকা)
ৰায়ত সভাৰ মূল উদ্দেশ্য আছিল কৃষকৰ স্বাৰ্থ ৰক্ষা কৰা—মাটিৰ খাজনা হ্ৰাস, কৰ বন্ধ, প্ৰব্ৰজন ৰোধ।
এই সভাই ব্ৰিটিছ চৰকাৰৰ ভূমি নীতিৰ বিৰোধিতা কৰিছিল। ১৯৩০-৩৪ চনৰ আন্দোলনত পুনৰ সক্ৰিয় হৈ ৫০% ৰাজহ হ্ৰাসৰ দাবী জনায়।
১৯৩৪-৩৯ চনত প্ৰায় ৩০০ খন ৰায়ত সভা গঢ়ি উঠে। পিছলৈ কংগ্ৰেছত বিলীন হৈ যায়।
৪) যোৰহাট সাৰ্বজনিক সভা
১৮৮৪ চনত গঠন হোৱা এই সভাই ৰাইজৰ সমস্যা চৰকাৰৰ আগত উপস্থাপন কৰিছিল।
ভূমি ৰাজহ, বৰ্ধিত কৰ, কানি প্ৰচলন বিৰোধিতা কৰিছিল। বংগ ভংগৰো বিৰোধ কৰিছিল। জনসাধাৰণৰ উন্নয়ন আৰু অধিকাৰ ৰক্ষাত এই সভাই গুৰুত্বপূৰ্ণ ভূমিকা লৈছিল।
৫) আছাম এছ’চিয়েচনৰ অৱদান
১৯০৩ চনত গঠন হোৱা এই সংগঠনটোৱে শান্তিপূৰ্ণভাৱে সমাজ সংস্কাৰৰ কাম কৰিছিল।
ই কৰ বিৰোধিতা, শিক্ষা উন্নয়ন, গণতান্ত্ৰিক শাসন, বিশ্ববিদ্যালয় স্থাপন আৰু বিধানসভাত প্ৰতিনিধিত্বৰ দাবী কৰিছিল।
অসমক মন্টেগু-চেমছফৰ্ড সংস্কাৰত অন্তৰ্ভুক্ত কৰাতো গুৰুত্বপূৰ্ণ ভূমিকা লৈছিল।
৬) অসম প্ৰদেশ কংগ্ৰেছ কমিটি
১৯২১ চনত গঠন হয়। আছাম এছ’চিয়েচনৰ পৰা ই গঢ় লৈ উঠে।
মহাত্মা গান্ধীৰ আহ্বানত অসহযোগ আন্দোলন অসমত বিস্তাৰ কৰে। ১৯২৬ চনত পাণ্ডুত কংগ্ৰেছ অধিৱেশন অনুষ্ঠিত কৰে।
১৯৪৬ চনত কংগ্ৰেছ জয়লাভ কৰি গোপীনাথ বৰদলৈ প্ৰথম প্ৰধানমন্ত্ৰী হয়। অসমক পূৰ্ববংগত অন্তৰ্ভুক্ত কৰাৰ প্ৰচেষ্টা প্ৰতিহত কৰে।
৭) স্বদেশী আন্দোলনত অসমৰ ভূমিকা
অসমত বংগ ভংগৰ বিৰোধিতা কৰি স্বদেশী আন্দোলন গঢ়ি উঠে।
স্বদেশী বস্তু ব্যৱহাৰ, বিদেশী সামগ্ৰী বৰ্জন, জাতীয় বিদ্যালয় স্থাপন কৰা হয়। অম্বিকাগিৰী ৰায়চৌধুৰী আদি নেতাই প্ৰচাৰ কৰে।
ছাত্ৰসকলে আন্দোলনত সক্ৰিয় অংশ লয় আৰু আৰ্থিক সহায়ো আগবঢ়ায়।
৮) অসহযোগ আন্দোলনত অসমৰ ভূমিকা
১৯২০-২২ চনত এই আন্দোলনে অসমত প্ৰভাৱ পেলায়।
ছাত্ৰসকলে বিদ্যালয় বৰ্জন কৰে, বিদেশী বস্তু জ্বলাই দিয়ে। আইনজীৱীসকলে পেচা ত্যাগ কৰে।
খাদী ব্যৱহাৰ বৃদ্ধি পায় আৰু চাহ বাগিচাৰ বনুৱাসকলেও প্ৰতিবাদ কৰে।
৯) আইন অমান্য আন্দোলনত অসমৰ ভূমিকা
১৯৩০ চনত আৰম্ভ হয়। জনসাধাৰণে আইন ভংগ কৰি আন্দোলনত অংশগ্ৰহণ কৰে।
ছাত্ৰসকলৰ অংশগ্ৰহণ, হৰতাল, দোকান বন্ধ, ৰাজহ হ্ৰাস দাবী আদি দেখা যায়।
কানিংহাম চাৰ্কুলাৰৰ পাছতো আন্দোলন অধিক বেগৱান হয়।
১০) ভাৰত ত্যাগ আন্দোলনত অসমৰ ভূমিকা
১৯৪২ চনত আৰম্ভ হয়। নেতাসকল গ্ৰেপ্তাৰ কৰা হয়।
আন্দোলন প্ৰথমে অহিংস আছিল, পিছলৈ হিংসাত্মক ৰূপ লয়। বহু লোক শ্বহীদ হয়।
কনকলতা বৰুৱা, কুশল কোঁৱৰ আদি দেশপ্ৰেমীয়ে আত্মবলিদান দিয়ে।
গ্ৰাম্য অঞ্চলত বিকল্প শাসন ব্যৱস্থাও গঢ়ি উঠে।