Chapter 10
আমাৰ দেশৰ শাসন ব্যৱস্থা
১। ভাৰতবৰ্ষ বৰ্তমান কিমান খন ৰাজ্য আছে ?
উত্তৰঃ ভাৰতবৰ্ষ বৰ্তমান ২৯খন ৰাজ্য আছে ।
২। কেন্দ্ৰীয় চৰকাৰ আৰু ৰাজ্য চৰকাৰ উভয়ৰে আধাৰ কি ?
উত্তৰঃ কেন্দ্ৰীয় চৰকাৰ আৰু ৰাজ্য চৰকাৰ উভয়ৰে আধাৰ হ’ল ভাৰতীয় সংবিধান ।
৩। ভাৰতবৰ্ষ এখন কি দেশ ?
উত্তৰঃ ভাৰতবৰ্ষ এখন গণতান্ত্ৰিক দেশ ।
৪। দেশখন চলাবলৈ নাগৰিকে কি নিৰ্বাচন কৰে ?
উত্তৰঃ দেশখন চলাবলৈ নাগৰিকে প্ৰতিনিধি নিৰ্বাচন কৰে ।
৫। লোকসভাত নিৰ্বাচিত সদস্যৰ সংখ্যা কিমান গৰাকী ?
উত্তৰঃ লোকসভাত নিৰ্বাচিত সদস্যৰ সংখ্যা ৫৪৫ গৰাকী ।
৬। অসমৰ বিধানসভাৰ মুঠ সমষ্টিৰ সংখ্যা কিমান ?
উত্তৰঃ অসমৰ বিধানসভাৰ মুঠ সমষ্টিৰ সংখ্যা ১২৬ ।
৭। লোকসভাৰ কাৰ্যকাল কিমান বছৰ ?
উত্তৰঃ লোকসভাৰ কাৰ্যকাল ৫ বছৰ ।
৮। লোকসভাত কেইজন অধ্যক্ষ থাকে ?
উত্তৰঃ লোকসভাত ১ জন অধ্যক্ষ থাকে ।
৯। ৰাজ্যসভাৰ কিমান গৰাকী সদস্য থাকে ?
উত্তৰঃ ৰাজ্যসভাৰ ২৫০ গৰাকী সদস্য থাকে ।
১০। ৰাজ্যসভাৰ সাংসদ হ’বলৈ কিমান বছৰ হ’ব লাগিব ?
উত্তৰঃ ৰাজ্যসভাৰ সাংসদ হ’বলৈ ৩০ বছৰ হ’ব লাগিব ।
১১। ভাৰতীয় সংবিধানমতে আমাৰ দেশ বা ৰাষ্ট্ৰখনৰ মুৰব্বী কোন ?
উত্তৰঃ ভাৰতীয় সংবিধানমতে আমাৰ দেশ বা ৰাষ্ট্ৰখনৰ মুৰব্বী ৰাষ্ট্ৰপতি ।
১২। একোগৰাকী ৰাষ্ট্ৰপতি কাৰ্যকাল কিমান বছৰ ?
উত্তৰঃ একোগৰাকী ৰাষ্ট্ৰপতি কাৰ্যকাল ৫ বছৰ ।
১৩। কিহৰ ব্যৱস্থাৰ জৰিয়তে আমাৰ দেশ শাসিত হয় ?
উত্তৰঃ বিধানমণ্ডল, কাৰ্যপালিকা আৰু ন্যায়পালিকা ব্যৱস্থাৰ জৰিয়তে আমাৰ দেশ শাসিত হয় ।
১৪। বিটিএডিৰ অন্তৰ্ভুক্ত জিলা কেইখন ?
উত্তৰঃ বিটিএডিৰ অন্তৰ্ভুক্ত জিলা চাৰিখন ।
১৫। কিমান চনৰ ভাৰতীয় সংবিধানৰ আধাৰত বড়ো এলেকা জিলা পৰিষদ গঠন কৰা হয় ?
উত্তৰঃ ২০০৩ চনৰ ভাৰতীয় সংবিধানৰ আধাৰত বড়ো এলেকা জিলা পৰিষদ গঠন কৰা হয় ।
১৬। আইন কাৰ্যকৰী কোনে কৰে ?
উত্তৰঃ আইন কাৰ্যকৰী কাৰ্যপালিকাই কৰে ?
১৭। প্ৰধানমন্ত্ৰী আৰু মন্ত্ৰী পৰিষদৰ কাৰ্যকাল কিমান বছৰ ?
উত্তৰঃ প্ৰধানমন্ত্ৰী আৰু মন্ত্ৰী পৰিষদৰ কাৰ্যকাল ৫ বছৰ ।
১৮। প্ৰতিনিধিসকলক কি বুলি কোৱা হয় ?
উত্তৰঃ প্ৰতিনিধিসকলক সাংসদ বুলি কোৱা হয় ।
১৯। কেন্দ্ৰীয় চৰকাৰ কাক বোলে ?
উত্তৰঃ ৰাজ্যৰ শাসন একোখন ৰাজ্যৰ চৰকাৰে চলায় আকৌ গোটেই দেশখন সামগ্ৰিকভাৱে চলাবলৈ এখন চৰকাৰ আছে । সেইখনক কেন্দ্ৰীয় চৰকাৰ বোলে ।
২০। লোকসভাত অধ্যক্ষক কেনেকৈ নিৰ্বাচিত কৰে ?
উত্তৰঃ লোকসভাত অধ্যক্ষগৰাকীক লোকসভাৰ সদস্যসকলৰ মাজৰ পৰা নিৰ্বাচিত কৰে ।